வருங்காரியங்களை என்னிடத்தில் கேளுங்கள்

கன்மலை கிறிஸ்துவ சபை

Message: Brother Micheal

Date: 10.12.2017

ஏசாயா 45:11

இஸ்ரவேலின் பரிசுத்தரும் அவனை உருவாக்கினவருமாகிய கர்த்தர் சொல்லுகிறதாவது: வருங்காரியங்களை என்னிடத்தில் கேளுங்கள்; என் பிள்ளைகளைக்குறித்தும், என் கரங்களின் கிரியைகளைக்குறித்தும் எனக்குக் கட்டளையிடுங்கள்.

வருங்காரியங்களை என்னிடத்தில் கேளுங்கள், அடுத்த ஆண்டு உங்களுக்கு எப்படியெல்லாம் இருக்க வேண்டும் என்று ஆண்டவரிடத்தில் கேளுங்கள். என் கரத்திற்கு கட்டளையிடுங்கள் என்று கர்த்தர் சொல்லுகிறார். அது எதுவாக இருந்தாலும் கேளுங்கள். என் கைக்கு கட்டளையிடு என்று சேனைகளின் கர்த்தர் உன்னிடம் சொல்கிறார். உன்னை உருவாக்கினவர் உன்னை பார்த்து கேட்கிறதாவது வரும் நாட்களிலே உனக்கு வேண்டியது என்ன என்று கேட்கிறார். அதை செய்ய என் கரத்திற்கு கட்டளையிடு என்று சொல்கிறார். 

ஏசாயா 45:12

நான் பூமியை உண்டுபண்ணி, நானே அதின்மேல் இருக்கிற மனுஷர்களைச் சிருஷ்டித்தேன்; என் கரங்கள் வானங்களை விரித்தன; அவைகளின் சர்வசேனையையும் நான் கட்டளையிட்டேன்.

ஏசாயா 45:13

நான் நீதியின்படி அவனை எழுப்பினேன்; அவன் வழிகளையெல்லாம் செவ்வைப்படுத்துவேன்; அவன் என் நகரத்தைக் கட்டி, சிறைப்பட்டுப்போன என்னுடையவர்களைக் கிரயமில்லாமலும் பரிதானமில்லாமலும் விடுதலையாக்குவான் என்று சேனைகளின் கர்த்தர் சொல்லுகிறார்.

முதலாவது அவர் தன் நீதியின்படி உன்னை எழுப்புவார், உன்னை செவ்வைப்படுத்துவார், விடுதலையாக்குவார். யாரை கொண்டு உன்னை கொண்டு. என் நீதியின் படி உன்னை நடத்துவேன், உன் பாதைகளையெல்லாம் செவ்வைப்படுத்துவேன், அவன் என் நகரத்தை கட்டி எழுப்புவான் சிறைப்பட்டு போன என்னுடையவர்களைக் கிரயமில்லாமலும் பரிதானமில்லாமலும் விடுதலையாக்குவான் என்று சேனைகளின் கர்த்தர் சொல்லுகிறார்.

கர்த்தர் உன்னை கொண்டு செய்வார். அவர் நீதியினாலே உன்னை எழும்ப பண்ணுவார் ஒருவனும் உன்னிடம் எதிர்த்து நிற்பதில்லை அப்படியெல்லாம் உன்னை மாற்ற தேவன் வல்லவராய் இருக்கிறார். நம் தேவனால் கூடாத காரியம் ஒன்றுமே இல்லை. உனக்கு  செய்ய வேண்டிய காரியங்களை கர்த்தர் செய்வார். உனக்கு நடக்க வேண்டிய சகலமும் நடக்கும் ஏன் என்று சொன்னால் நீங்கள் விசேஷித்தமானவர்கள். சாலமோனின் காட்டு புஷ்பங்களின் மகிமையை பார்க்கிலும் நீங்கள் விசேஷித்தமானவர்கள். அவரிடத்தில் கேளுங்கள். அவர் கரத்திற்கு கட்டளையிடுங்கள். 

FOR CONTACT

Brother Micheal

Mobile: +91 9962 110 261