எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தி

கன்மலை கிறிஸ்துவ சபை

Message: Brother Micheal

Date: 25.12.2017

"எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தி"

லூக்கா 2:10

தேவதூதன் அவர்களை நோக்கி: பயப்படாதிருங்கள்; இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன்.

மேய்ப்பர்கள் இராத்திரியில் தங்கி தன் மந்தையை பாதுகாத்து கொண்டு இருந்த நேரம் அது அப்பொழுது ஒரு தேவ தூதன் தோன்றி அவர்களை நோக்கி: பயப்படாதிருங்கள்; இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன். என்று சொன்னார். அன்பானவர்களே ஆண்டவராகிய இயேசு கிறிஸ்துவின் பிறப்பு இந்த உலகத்தில் உள்ள எல்லா ஜனத்திற்கும் ஒரு மிகுந்த சந்தோஷத்தை உண்டாக்கும் நற்செய்தியாகும். உலகில் உள்ள சகல மனுஷரின் பாவங்களை போக்கி இரட்சிக்கவே இயேசு இந்த உலகத்திற்கு வந்தார்.

 

1. மிகுந்த கிருபை 

நெகேமியா 13:22

ஓய்வுநாளைப் பரிசுத்தமாக்கும்படிக்கு, உங்களைச் சுத்தம்பண்ணிக்கொண்டு வாசல்களைக் காக்க வாருங்களென்று லேவியருக்கும் சொன்னேன். என் தேவனே, இதைக்குறித்து நீர் என்னை நினைத்தருளி, உம்முடைய மிகுந்த கிருபையின்படி எனக்கு இரங்குவீராக.

எவற்றையெல்லாம் முடியாது என்று உங்கள் வாழ்க்கையில் நினைத்திருந்தீர்களோ அவை அனைத்தையும் வாய்க்கும்படியாய் தேவனாகிய கர்த்தர் ஒரு மிகுந்த கிருபையினை உங்களுக்கு தருகிறார். ஒன்றுமே இல்லையே என்று கவலை படாதிருங்கள் அந்த இடத்தில தான் தேவனுடைய கிருபை விளங்கும். கிருபையினை தேவனிடத்தில் இருந்து நமக்கு வரும் உதவி என்று கூட சொல்லலாம். அந்த தேவ உதவி சரியான நேரத்தில் உங்களுக்கு வந்து சேரும். 

2. மிகுந்த சமாதானம் 

சங்கீதம் 37:11

சாந்தகுணமுள்ளவர்கள் பூமியைச் சுதந்தரித்து, மிகுந்த சமாதானத்தினால் மனமகிழ்ச்சியாயிருப்பார்கள்.

இந்த நாள் முதற்கொண்டு உங்களுக்கு ஒரு மிகுந்த சமாதானம் உண்டாகும். நீங்கள் இருக்கும் எல்லா இடத்திலேயும் தேவ சமாதானம் ஆளுகை செய்யும். அப்படிப்பட்ட மனரம்மியமான சமாதானத்தை கர்த்தர் இன்றைக்கு உங்களுக்கு தருகிறார். 

3. மிகுந்த பலன் 

எபிரெயர் 10:35

ஆகையால், மிகுந்த பலனுக்கேதுவான உங்கள் தைரியத்தை விட்டுவிடாதிருங்கள்.

ஒரு மிகுந்த பலன், பலன் என்று சொல்லும் பொழுது வாழ்க்கையின் எல்லாவிதத்தையும் குறிக்கும், அது எது வேண்டுமானாலும் இருக்கலாம். கர்த்தர் சொல்லுகிறார்  உங்கள் தைரியத்தை விட்டுவிடாதிருங்கள். இந்த நாளில் இருந்து ஒரு மிகுந்த பலனை ஆண்டவர் தரப்போகிறார். 

மிகுந்த சந்தோஷம், மிகுந்த கிருபை, மிகுந்த சமாதானம், மிகுந்த பலன் உங்களுக்கு தர தேவன் விரும்புகிறார். நாம் ஜெபிப்போமா 

தேவரீர் தம்முடைய பிள்ளைகளுக்கு அளவில்லாத ஒரு மிகுந்த சமாதானத்தை என் தேவனாகிய கர்த்தர் நீர் அவர்கள் மேல் வைப்பீராக, ஆண்டவரே ஒரு நித்திய மகிழ்ச்சி உண்டாகட்டும். போகும் இடமெல்லாம் ஒரு மிகுந்த சமாதானத்தை தாரும் ஆண்டவரே வேலை ஸ்தலத்தில் ஒரு சமாதானம், குடும்பத்தில் ஒரு சமாதானத்தை கட்டளையிடுவீராக ஆண்டவரே, ஒரு மிகுந்த பலனை தந்து ஆசிர்வதிக்கும் படியாய் வேண்டுகிறேன் ஆண்டவரே இயேசுவின் மூலம் பிதாவே ஆமென்.

FOR CONTACT

Brother Micheal

Mobile: +91 9962 110 261