நான் உங்கள் நடுவிலே உலாவி உங்கள் தேவனாயிருப்பேன்

கன்மலை கிறிஸ்துவ சபை பிப்ரவரி 2018 வாக்குத்தத்தம்

Message: Brother Micheal

1.02.2018

நான் உங்கள் நடுவிலே உலாவி உங்கள் தேவனாயிருப்பேன்

லேவியராகமம் 26:12

நான் உங்கள் நடுவிலே உலாவி, உங்கள் தேவனாயிருப்பேன், நீங்கள் என் ஜனமாயிருப்பீர்கள்.

அவர் உங்கள் தேவனாய் இருப்பார். அவர் உங்களோடு கூட இருந்து உங்கள் நடுவிலே, உங்கள் குடும்பத்தின் மத்தியில் உலாவி வருவார், நீங்கள் அவர் ஜனமாயிருப்பீர்கள். அவர் உங்களை மேற்கொள்ள வருகிற அந்தகார வல்லமைகளை அழித்து உங்கள் நடுவிலே உலாவி உங்களுக்கு பாதுகாப்பாய் இருப்பார். ஏனென்றால் நீங்கள் தேவனுடைய ஜனம். ஆண்டவர் இந்த மாதம் முழுவதும் உங்களோடு கூட உலாவி வருவதை அநேக கண்கள் காணும் படியாய் கர்த்தர் செய்வார்.

1. கர்த்தர் உன் நடுவில் இருக்கிறார் இனி தீங்கை காணமாட்டாய் 

செப்பனியா 3:15

கர்த்தர் உன் ஆக்கினைகளை அகற்றி, உன் சத்துருக்களை விலக்கினார்; இஸ்ரவேலின் ராஜாவாகிய கர்த்தர் உன் நடுவிலே இருக்கிறார்; இனித் தீங்கைக் காணாதிருப்பாய்.

கர்த்தர் உன் சத்ருக்களை இந்த மாதம் விளக்கினார். இந்த மாதம் தீங்கைக் காணாதிருப்பாய். உன் சத்துருக்களை உன்னை விட்டு விலகி ஓட செய்வார். இஸ்ரவேலின் ராஜாவாகிய கர்த்தர் உன் நடுவிலே இருந்து எல்லா தீங்கிற்கும் விலக்கி உன்னை காப்பார். அவர் உன் எல்லா தீமைகளையும் இந்த மாதம் நன்மையாய் மாற்ற வல்லவராய் இருக்கிறார். 

2. கர்த்தர் உன் நடுவில் இருக்கிறார் நீ சமாதானமாய் இருப்பாய் 

லூக்கா 24:36

இவைகளைக்குறித்து அவர்கள் பேசிக்கொண்டிருக்கையில், இயேசு தாமே அவர்கள் நடுவிலே நின்று: உங்களுக்குச் சமாதானம் என்றார்.

போன வருடத்தில், போன மாதத்தில் நீ எவைகளை குறித்து சஞ்சலப்பட்டு, தவிப்போடும், கலக்கத்தோடும், கண்ணீரோடும், வேதனையோடும் பேசி கொண்டு இருந்தாயோ அது எதுவாக இருக்கலாம். அவை எல்லாவற்றையும் மாற்றி போட இயேசு தாமே உன் நடுவில் வந்து நிற்பார். இந்த மாதம் வந்து நிற்பார். நீங்கள் இந்த மாதத்தில் சமாதானமாய் இருப்பீர்கள், கர்த்தருக்குள் நீங்கள் மகிழ்ந்து களிகூறுவீர்கள். கர்த்தர் உன் சமாதானத்திற்கு தேவையான ஆசீர்வாதத்தையும், ஐஸ்வரியாதையும், கனத்தையும், மகிமையும், கிருபையும் உங்கள் மேல் தங்கி இருக்க செய்து உன் குடும்பத்தை சமாதானத்தோடு நடத்துவார். 

3. கர்த்தர் உன் நடுவில் இருந்து அற்புதங்களை செய்வார் 

யோசுவா 3:5

யோசுவா ஜனங்களை நோக்கி: உங்களைப் பரிசுத்தம்பண்ணிக்கொள்ளுங்கள்; நாளைக்குக் கர்த்தர் உங்கள் நடுவிலே அற்புதங்களைச் செய்வார் என்றான். 

ஏசாயா 12:6

சீயோனில் வாசமாயிருக்கிறவளே, நீ சத்தமிட்டுக் கெம்பீரி; இஸ்ரவேலின் பரிசுத்தர் உன் நடுவில் பெரியவராயிருக்கிறார்.

உங்களுக்கு உடனே அற்புதம் நடக்க வேண்டுமா  இன்றைக்கு நீங்கள் உபவாசம் இருந்து உங்களை பரிசுத்தம் பண்ணி கொள்ளுங்கள் கர்த்தர் நாளைக்கு உங்கள் நடுவிலே அற்புதங்களை செய்வார். உன்னோடு கூட இருக்கிறவர் பெரியவர். அவர் உன் நடுவில் இருந்து அற்புதமாய், அதிசயமாய் இந்த மாதம் உன்னை நடத்துவார்.

FOR CONTACT

Brother Micheal

Mobile: +91 9962 110 261