உமது வலதுகரம் நீதியால் நிறைந்திருக்கிறது

கன்மலை கிறிஸ்துவ சபை 

செப்டம்பர்  2018 வாக்குத்தத்தம் 

Word of God: Brother Micheal

1.09.2018

" உமது வலதுகரம் நீதியால் நிறைந்திருக்கிறது "

சங்கீதம் 48:10

தேவனே, உமது நாமம் விளங்குகிறதுபோல உமது புகழ்ச்சியும் பூமியின் கடையாந்தரங்கள் பரியந்தமும் விளங்குகிறது; உமது வலதுகரம் நீதியால் நிறைந்திருக்கிறது.

மிகுதியான நீதி கர்த்தருடைய வலது கரத்தில் உள்ளது அவர் நம்மை இந்த மாதம் நீதியாய் நடத்தப்போகிறார். 

ஏசாயா 62:8

இனி நான் உன் தானியத்தை உன் சத்துருக்களுக்கு ஆகாரமாகக்கொடேன்; உன் பிரயாசத்தினாலாகிய உன் திராட்சரசத்தை அந்நிய புத்திரர் குடிப்பதுமில்லையென்று கர்த்தர் தமது வலதுகரத்தின்மேலும் தமது வல்லமையுள்ள புயத்தின்மேலும் ஆணையிட்டார்.

அவர் வலது கரம் என்ன செய்யப்போகிறது ?

1. அவர் வலது கரம் பராக்கிரமஞ்செய்யும்

சங்கீதம் 118:15

நீதிமான்களுடைய கூடாரங்களில் இரட்சிப்பின் கெம்பீரசத்தம் உண்டு; கர்த்தரின் வலதுகரம் பராக்கிரமஞ்செய்யும்.

சங்கீதம் 118:16

கர்த்தரின் வலதுகரம் உயர்ந்திருக்கிறது; கர்த்தரின் வலதுகரம் பராக்கிரமஞ்செய்யும்.

கர்த்தருடைய வலது கரம் இந்த மாதம் உங்களுக்கு பராக்கிரமம் ஆன காரியங்களை செய்யும், நீங்கள்  நினைத்து பார்க்க முடியாத காரியங்களை செய்வார். ஏனென்றால் அவர் வலது கரம் நீதியினால் நிறைந்து இருக்கிறது,  கர்த்தருடைய உன்னதமான வலது கரம் இந்த மாதத்தில் உங்களுக்கு பராக்கிரமஞ்செய்யும்.

சங்கீதம் 89:13

உமக்கு வல்லமையுள்ள புயமிருக்கிறது; உம்முடைய கரம் பராக்கிரமமுள்ளது; உம்முடைய வலதுகரம் உன்னதமானது.

2. அவர் வலது கரம் உன்னை இரட்சிக்கும்

சங்கீதம் 138:7

நான் துன்பத்தின் நடுவில் நடந்தாலும் நீர் என்னை உயிர்ப்பிப்பீர்; என் சத்துருக்களின் கோபத்துக்கு விரோதமாக உமது கையை நீட்டுவீர்; உமது வலதுகரம் என்னை இரட்சிக்கும்.

சங்கீதம் 138:8

கர்த்தர் எனக்காக யாவையும் செய்து முடிப்பார்; கர்த்தாவே, உமது கிருபை என்றுமுள்ளது; உமது கரத்தின் கிரியைகளை நெகிழவிடாதிருப்பீராக.

இந்த மாதத்தில் நீங்கள் துன்பத்தின் நடுவில் நடந்தாலும் கர்த்தர் உங்களை உயிர்ப்பிப்பார். அவர் வலது கரம் நம்மை இரட்சிக்கும், நம்மை காப்பாற்றும், நம்மை விடுதலையாகும், எல்லா கண்ணிக்கும் நம்மை விலக்கி பாதுகாக்கும்.

சங்கீதம் 20:6

கர்த்தர் தாம் அபிஷேகம்பண்ணினவரை இரட்சிக்கிறார் என்பதை இப்பொழுது அறிந்திருக்கிறேன்; தமது வலதுகரம் செய்யும் இரட்சிப்பின் வல்லமைகளைக் காண்பித்து, தமது பரிசுத்த வானத்திலிருந்து அவருடைய ஜெபத்தைக் கேட்பார்.

3. அவர் வலது கரம் உன்னைத் தாங்கும் 

ஏசாயா 41:10

நீ பயப்படாதே, நான் உன்னுடனே இருக்கிறேன்; திகையாதே, நான் உன் தேவன்; நான் உன்னைப் பலப்படுத்தி உனக்குச் சகாயம்பண்ணுவேன்; என் நீதியின் வலதுகரத்தினால் உன்னைத் தாங்குவேன்.

சங்கீதம் 18:35

உம்முடைய இரட்சிப்பின் கேடகத்தையும் எனக்குத் தந்தீர்; உம்முடைய வலதுகரம் என்னைத் தாங்குகிறது; உம்முடைய காருணியம் என்னைப் பெரியவனாக்கும்.

சங்கீதம் 63:8

என் ஆத்துமா உம்மைத் தொடர்ந்து பற்றிக்கொண்டிருக்கிறது; உமது வலதுகரம் என்னைத் தாங்குகிறது.

FOR CONTACT

Brother Micheal

Kanmalai Christian Church 

Mobile: +91 9962 110 261